سعيد السايبي:لدي قائمة للاعبين الذين سيتم انتدابهم في المركاتو الشتوي..وهذه رسالتي للجماهير

 

اول تصريح لسعيد السايبي

 بالنسبة للنادي الإفريقي  هي جمعيتي و نقلك حاجة المدربين الكل يتمناو يدربوا النادي الإفريقي أما راهو في الوضعية الحالية برشة مدربين ما يتمناوش يدربو النادي الإفريقي .

✅ أنا ولد النادي و الحاجة اللي شجعتني أنني نعرف اللي في بطولة تونس و باللي " الإيفكتيف" اللي موجود في الفريق باللي يكون نجموا نعملو نتائج ما خير ببرشة ثانيا حاجة أنا نعرف المجموعة و كنت مدرب مساعد ولت عمناول مع لسعد الدريدي و نعرف البطولة دربت عمناول الرجيش و السنة مع سليمان donc نتصور روحي من les entraîneurs اللي يعرفو بطولة تونس 🇹🇳 و الجمعيات الكل بالڨدا بالڨدا .. و ثالث حاجة ال pouls متاع النادي الإفريقي 🇦🇹 هي بيدها الpoul اللي لعبت فيها مع سليمان donc كي غير كملت لعبت مع الجمعيات الكل .

✅ نحب نقول حاجة بالنسبة لجمهور النادي الإفريقي 🇦🇹 و أنا أولهم رانا كان نحبوا نخرجو من ال situation هذي لازمنا نعرفوا كيفاش نشخصوا الوضعية و نتلموا مع بعضنا جمهور و إدارة راهو كان بش نبقاو نغطيوا في عين الشمس بالغربال ما عنا وين نوصلوا .. راهو نهارت اللي نرجعوا نربحوا الجمعيات الصغيرة ذهاب و إياب وقتها ترجع الهيبة متاع " الكليب " و نوليو نخمموا الفوق و نخمموا في " التيتر " mais توا لازمنا نعرفوا احنا وين ما لازمناش نكذبوا على بعضنا رانا في situation خايبة عاللخر عاللخر و لازم تتظافر الجهود الكل بش نجمو نخرجوا مالوضعية الصعبة هذي و مبعد لكل حادث حديث و بقدرة الله بقدرة الله فما وعد كبير بش يتم رفع عقوبة المنع من الإنتداب و عندي قائمة متاع إنتدابات جوارات توانسة ينجموا يقدموا الإضافة بإذن الله .. 🇦🇹🤝🇦🇹