تصريحات علي علولو بعد اللقاء
علي علولو في تصريح بعد اللقاء إحتجاجا على التحكيم :
موش معقول المهازل التحكيمية هذي و المستوى هذا.. يظهرلي الحكام الجامعة موفرتلهم كل الظروف باش يخدمو و يتحسنوا و بعد نراو المستوى هذا في بطولة محترفة.. الحكم وليد الجريدي هذا يضهرلي عندو مشكلة معانا و مستهدفنا وقت ضايع أقل شيء تسعة دقائق ضاعوا زاد كان أربعة دقائق و ورقة حمراء أخرى متزفرتش ضد ياسين الشيخاوي.. معناش مشكلة مع النجم الساحلي كل جمعية ادافع عالحظوظ متاعها أما مشكلتنا مع التحكيم بصراحة مهزلة تحكيمية بأتم معنى الكلمة و ماناش ساكتين و باش نقدمو بيه تقرير ماذابينا معادش يزفرلنا حتى ماتش حتى يكمل كريارو.. ربي يهدي و أكاهو النادي الافريقي كان يستحق على الأقل نقطة أما الله غالب الحكم حب عكس هذا..
تعليقات: (0) إضافة تعليق