بعد مباراة الأمس ضد قربة..مردود هزيل لبعض اللاعبين..و"بيتوني" يقرر مواصلة الغربلة ..وإسمان نحو المغادرة

  

 أبرز إستنتاجات مباراة النادي الإفريقي ضد النادي الرياضي القربي 

🔴 نهاية المباراة بالتعادل الإيجابي 1-1 بعد أن كان النادي الإفريقي متأخرا في النتيجة في الشوط الأول، سجل هدف النادي الإفريقي المدافع رامي البدوي في الدقيقة 52 من الشوط الثاني 

✅ المدرب الفرنسي بيتوني دخل الفريق بتشكيلة جديدة لتحضير بعض اللاعبين الذين كانو مصابين مثل كينيث سيماكولا و حمزة بن عبدة و لإعطاء وقت لعب لبعض الاعبين من أجل تجهيزهم قبل بداية البطولة 

🔴 إختيار فريق النادي القربي هو تحضير للمباراة الإفتتاحية ضد إتحاد بن قردان، على أرضية إصطناعية و ضد فريق يحذق جيدا الهجومات المعاكسة و لديه لاعبين لديهم خبرة الرابطة المحترفة الأولى 

✅ بيتوني دخل برسم تكتيكي جديد 4-1-4-1 بالإعتماد على كينيث سيماكولا كوسط ميدان دفاعي أمام المدافعين نفس خطة أحمد خليل و لإعطاء أريحية أكثر لفيليب كينزومبي و بلال آيت مالك على الأروقة من أجل إستغلال سرعتهم و مراوغتهم و إقحام حمدي العبدي كقلب هجوم 

🔴 الظهير الأيسر أسامة السهيلي شارك طيلة 60 دقيقة و قدم مردود جيد للأمانة رغم أنه لم يقم بتحضيرات كاملة لكن مثل نقطة قوة كبيرة على الرواق الأيسر و ربح كل الثنائيات 

✅ المدرب بيتوني زاد عرف إلي فما ملاعبية متع تمارين مهاش متع مباريات رسمية و كي بش يحطهم على البنك ماهوش ظالمهم خاطر تقريبا قام بتشريك بمعدل 24 ملاعبي كل ماتش منذ إنطلاق التحضيرات و كان فما عدل في إعطاء توقيت لعب متوازن و عادل بين كل اللاعبين

🔴 مواصلة العمل في هذه الفترة للتقييم و غربلة الرصيد البشري بالنسبة ليا هي أهم مرحلة باش تكّون مجموعة متكاملة و تنقص من الأغلاط و للأمانة فما خدمة مزيانة خدموها المسؤولين على رأسهم رئيس النادي هيكل دخيل شعارها يزينا من الشهارة على البنك و ما تحقروش الانتدابات اللي تصير للبنك ساعات هي أهم من إنتداب يكون "كبير" و أي ملاعبي في النادي الإفريقي مهما كان إسمو ماهوش أكبر من النادي و ينجم يقعد على البنك و كي يدخل لازمو يحدث الفارق

✅ حسب ما لاحظت و تبعت عن كثب منافسين النادي الإفريقي في المرحلة الأولى من البطولة، المستوى قريب و معادش فما جمعية كبيرة و جمعية صغيرة و على مباراة واحدة كل شيء ممكن و النادي الإفريقي إجمالا عندو ملاعبية باهين لازم الإطار الفني يلقى الformule الصحيحة و التركيبة المثالية و نتصور كان نبقاو برسم تكتيكي 4-3-3 خير من 4-2-3-1  

🔴 مباراة اليوم ضد قربة الحاجة إلي ربحناها انو فما ملاعبية ان شاء الله الادارة و المدرب تأكدوا اللي والله لا يستحق يتعدى من قدام البارك و فما ملاعبية من النخبة رغم صغر سنهم أما بشوية تأطير و إحاطة من كوادر الفريق راهم يعاونو برشا، حاجة اخرى الملاعبية اللي انتدبهم النادي الإفريقي العام هذا ( السهيلي، آيت مالك، كينزومبي، الخضراوي، بوعبيد) خير ملي كان موجود العام اللي فات ( السويسي، العمراني، المزياني، الهمامي، الحمروني)، علامة حسن جدا لياسين بوعبيد تقول مولود في البارك ما شاء الله

⬅️ أسبوع على بداية البطولة ورفع التحدي .. جمهورنا صبر و ضحى و من حقو يطالب بالألقاب في موسم باش يكون استثنائي بحول الله، و هذا ما يصير إلا ما نكونوا الكل solidaires و يد وحدة ملاعبية و ستاف و إدارة و جمهور و مسؤولين.. ما نحبوش نسمعوا بحتى grève وكل ملاعبي مطالب باش يعطي 200% .. و أحنا كجمهور باش تلقاونا معاكم وين ما تكونوا في تونس و خارج تونس.. و لازمنا نتعلموا من أغلاطنا يعني حتى في المباريات الرسمية موش في اول عثرة ندخلوا بعضنا و موش من اول victoire نتخمروا ... ال saison طويلة بين بطولة و كأس و اللي عندو اكثر souffle وصبر وبرشا خدمة اكيد هو اللي باش يفرح ، إن شاء الله ربي يفرح قلبكم و ربي يحلها في وجوهنا